حواااااااااار بين عزوبي ومتــــــــــــــــزوج ؟؟!؟؟

قال العزوبي:

شف العزوبي مايعـرف الهواجيـس
ولا يـودي حرمتـه كـل يـومـي

يا عنك ماحاش الفخـر والنواميـس
الا عزوبـيٍ يـعـرف السلـومـي

اذا اعرس المعرس غدا عندنا هيس
ونزيل اسمه مـن سجـل القرومـي

والى بغيـت البهذلـة والدحاويـس
فأعرس وخلك من عـداد الرخومـي

وش صابكم من عرسكم يا المفاليس
وش استفدتوا غيـر دق الخشومـي

اللي تزوج أشهد انـه غـدا تعيـس
والرابح اللـي ماخـذٍ لـه..........

ترى عناق العام نطت على التيـس
والحرعقب العـرس يصيـر بومـي





قال المتزوج:

قال العريس أنا الذي في سـعاده
ماني عــزوبــي ضايق الصدر مهموم

مبسوط من مثلي قعـد عنــد غاده
مهوب مثـل اللي لحاله تقل بـــوم

في كل لــيله حاضنٍ لـه وسـاده
وانا مـع المـزيون في غـرفة النوم

أنا اشهد انه عايـشٍ في قــراده
يروح عــمــره مـا تهنى ولايوم

الى دخــل للبيت يبلش بــزاده
يقعد يقــطّـع له طمــاطٍ معه ثوم

ولا قضى عقب العصـر من عداده
والـحوض من كثر المواعين مزحوم

والى غسلهن ثم فـك الســـداده
دلى يغســل له سـراويل وهــدوم

وان ماطــبخ روّح لمطعـم حمـاده
والا قـعد في منزله واعـلن الصوم

وان جاه ضيفٍ باغيٍ لـه رفـاده
يـروح يشــري رز وايـدام ولحوم

ما يعرف الشمبو وراسـه عــراده
وشــماغه من الكواي ملـيانه رقوم

ما يكنس الفرشــه ويلقط بــداده
اما بقـايا رز او خــبز معــروم

عنده صراصيرٍ بحـاجه ابــاده
تسـرح وتمرح في الغرف دايم الدوم


تحيااااااااااااتي اايد المعرس مو العزوبي ..
وش تأيدوون ؟؟
ابي ردودكم ...